Բարի գալուստ Եվրասիա միջազգային համալսարան։ Մեր համայնքի անունից սիրով ողջունում եմ կայքի այցելուներին: Իր գործունեության տարիների ընթացքում համալսարանի աշխատակազմը ջանացել է մշակել և իրականացնել ժամանակի մարտահրավերներին և պահանջներին համապատասխան կրթական ծրագրեր` միևնույն ժամանակ պահպանելով ազգային կրթական համակարգի լավագույն տարրերը:

Մենք համոզված ենք, որ ակադեմիական գերազանցության, հետազոտության և բարձր սոցիալական պատասխանատվության մեր հանձնառությունը այլընտրանք չունի: Մեր բարձր որակավորում ունեցող պրոֆեսորադասախոսական կազմի, սպասարկող  աշխատակիցների և ուսանողության միջազգային ակտիվ շփումների ու նպատակային համագործակցության շնորհիվ համալսարանում ներդրվել է եվրոպական առաջադեմ, գրավիչ կրթական մշակույթ՝ ձևավորելով և խթանելով ներառական ուսումնական միջավայր: Ձեզ առաջարկում ենք ժամանակ հատկացնել  ուսումնասիրելու այն կրթական յուրահատկությունները, որոնք նպաստել են համալսարանի նկատմամբ հանրության ճանաչելիության բարձրացմանը։

Լիահույս ենք, որ առաջիկայում կողջունենք Ձեզ` որպես ԵՄՀ ընտանիքի անդամ: