Մագիստրոսական ծրագիրն անգլերեն լեզվով դասավանդվող կրթական ուղղություն է, որում անվտանգության և ազատության ավանդական երկատումը դիտարկվում է երեք ժամանակակից մարտահրավերների՝ միգրացիայի, տեխնոլոգիայի և կայունության տեսանկյուններից:

Ծրագրի նպատակն է ուսանողներին տրամադրել բազմառարկա կարողություններ, բարդ երևույթները սահմանազատելու ու աշխատելու այնպիսի ռազմավարական և բարձր ինովացիոն տեխնոլոգիաների ոլորտներում, ինչպիսիք են միգրացիան և սահմանների անվտանգությունը, նոր տեխնոլոգիաները, գաղտնիությունը և տվյալների պաշտպանությունը, կանաչ տնտեսությունը և կայունության քաղաքականությունը։

Ուսուցման առաջին տարին ուղղված է անվտանգության հիմնախնդրի վերաբերյալ հիմնարար գիտելիքների ձեռքբերմանը: Երկրորդ տարին ներառում է երկու այլընտրանքային ուղղություններ կամ դասընթացներ՝ մասնագիտացման բարձր մակարդակով:

Առաջին ուղղությունը (անվտանգություն և մարդկային շարժունակություն) նվիրված է միգրացիոն գործընթացներին: Երկու կիսամյակների ընթացքում ուսումնասիրվելու են՝

1. Սահմանների արտաքին անվտանգությունը և միգրացիոն հոսքերի կառավարումը եվրամիջերկրածովյան տարածքում (Արտաքին չափանիշ),

2. Ներքին անվտանգությունը և ներգաղթյալների իրավական, տնտեսական և մշակութային ինտեգրման գործընթացները (Ներքին չափանիշ)

Երկրորդ ուղղությունը (անվտանգություն, տեխնոլոգիա և կայունություն) ձևավորում է հմտություններ՝ կապված մարդու իրավունքների նոր մարտահրավերների հետ, որոնք առաջանում են տեխնոլոգիայի կիրառման արդյունքում։ Այս ուղղությունն ընդգրկում է երկու կիսամյակ և նվիրված է՝

1․ Գաղտնիությանը և տվյալների պաշտպանությանը,

2․ Կանաչ անվտանգությանը:

Ընդունելության պայմանները 

«Անվտանգություն և մարդու իրավունքներ» կրկնակի դիպլոմի ծրագիրը հասանելի է բոլոր շրջանավարտներին, ովքեր.

1. Ստացել են առաջին կամ երկրորդ աստիճանի որակավորում իրավագիտության, քաղաքական գիտությունների, միջազգային հարաբերությունների, կառավարման, սոցիոլոգիայի կամ պատմության մասնագիտություններից,
2. Տիրապետում են անգլերենի B2 մակարդակի, որը վավերացված է պաշտոնական լեզվի քննությամբ (օրինակ՝ IELTS, TOEFL), կամ գնահատված է Տուշիայի համալսարանում

Ինչո՞ւ Տուշիայի համալսարան․ Տուշիայի համալսարանը (UNITUS), որը գտնվում է Վիտերբոյի պատմական կենտրոնում՝ մի գեղեցիկ միջնադարյան քաղաք է Հռոմի և Ֆլորենցիայի միջև, որտեղ պատմությունն ու բնությունը հանդիպում են հետաքրքրաշարժ լանդշաֆտներ ստեղծելու համար։ Այն գտնվում է Միջերկրական ծովի, Վիկո և Բոլսենա լճերի, ինչպես նաև ամենամեծ իտալական օդանավակայանի (Rome Fiumicino) մոտ: Տուշիայի համալսարանը ունի վեց ֆակուլտետ, որոնք առաջարկում են բակալավրիատի և մագիստրատուրայի ավելի քան 30 ծրագրեր, ինչպես նաև 7 դոկտորական ծրագիր շուրջ 9000 ուսանողների համար։

«Կառավարում և շրջանաձև տնտեսություն»-ը Եվրասիա միջազգային համալսարանի և Իտալիայի Տուշիայի համալսարանի հետ իրականացվող կրկնակի դիպլոմի մագիստրոսական ծրագիր է։ Այս նորարարական նախաձեռնությունը կոչված է պատրաստել կայուն զարգացմանը միտված և շրջանաձև տնտեսության սկզբունքներին հավատարիմ ապագա կառավարիչներ:

Ծրագրի նպատակն է ուսանողներին փոխանցել տնտեսության գործող դասական սկզբունքներից դեպի շրջանաձև տնտեսությանն անցնելու  համար անհրաժեշտ միջդիսցիպլինար գիտելիքներ և կառավարչական հմտություններ։ 

Ծրագրի կառուցվածքը

I տարի

Ուսանողը ուսումը սկսում է Եվրասիա միջազգային համալսարանում, որի ընթացքում ուսումնասիրում է Կառավարում մասնագիտության հետևյալ պարտադիր առարկաները․

• Գործառնական կառավարում
• Մարդկային ռեսուրսների կառավարում
• Հետազոտության մեթոդներ*
• Մասնագիտական անգլերեն
• Ռազմավարական կառավարում
• Մարքեթինգի կառավարում
• Բիզնես պրոցեսների կառավարում
• Կառավարչական հաշվառում

Բացի պարտադիր առարկաներից, ուսանողներին հնարավորություն է տրվում առարկաներ ընտրել նաև ընտրովի առարկաների ցանկից։ Կրկնակի դիպլոմի հավակնող ուսանողները ընտրում են «Շրջանաձև տնտեսության» ենթաբաժնի առարկաներից (օրինակ՝ Շրջանաձև տնտեսության միկրո և մակրոէկոնոմիկա, Բնական ռեսուրսների և շրջակա միջավայրի քաղաքատնտեսություն և այլն)

II տարի

Բարձր առաջադիմություն ցուցաբերած ուսանողները միայն կարող են դիմել և հավակնել կրկնակի դիպլոմի ծրագրին։ Բարձր առաջադիմություն ունեցող և Տուշիայի համալսարանի հետ հարցազրույցի փուլը հաջողությամբ հաղթահարած ուսանողները ուսումը շարունակում են Տուշիայի համալսարանում։ Այստեղ ուսանողները հիմանականում ուսումնասիրում են ռեսուրսների, թափոններ և շրջակա միջավայրի կառավարում, կայուն գյուղատնտեսություն և թափոնների վերաօգտագործում, կորպորատիվ սոցիալական և բնապահպանական պատասխանատվություն և այլն։ Ավելի մանրամասն երկրոդ տարվա բովանդակության մասին կարող եք գտնե այստեղ։

Ընդունելության պայմանները 

«Կառավարում և շրջանաձև տնտեսություն» կրկնակի դիպլոմի ծրագիրը հասանելի է բոլոր շրջանավարտներին, ովքեր.

1. Ստացել են առաջին կամ երկրորդ աստիճանի որակավորում  կառավարման, սոցիոլոգիայի, բիզնեսի կառավարման, գյուղատնտեսության, ֆինանսների կառավարում  կամ յալ հարակից մասնագիտություններից,
2. Տիրապետում են անգլերենի B2 մակարդակի, որը վավերացված է պաշտոնական լեզվի քննությամբ (օրինակ՝ IELTS, TOEFL), կամ գնահատված է Տուշիայի համալսարանում:

Ինչո՞ւ Տուշիայի համալսարան․ Տուշիայի համալսարանը (UNITUS), որը գտնվում է Վիտերբոյի պատմական կենտրոնում՝ մի գեղեցիկ միջնադարյան քաղաք է Հռոմի և Ֆլորենցիայի միջև, որտեղ պատմությունն ու բնությունը հանդիպում են հետաքրքրաշարժ լանդշաֆտներ ստեղծելու համար։ Այն գտնվում է Միջերկրական ծովի, Վիկո և Բոլսենա լճերի, ինչպես նաև ամենամեծ իտալական օդանավակայանի (Rome Fiumicino) մոտ: Տուշիայի համալսարանը ունի վեց ֆակուլտետ, որոնք առաջարկում են բակալավրիատի և մագիստրատուրայի ավելի քան 30 ծրագրեր, ինչպես նաև 7 դոկտորական ծրագիր շուրջ 9000 ուսանողների համար։