Այն օտարերկրյա քաղաքացիները, ովքեր ցանկանում են ներգրավվել ԵՄՀ գիտական աստիճան շնորհող կրթական ծրագրերում, նախ և առաջ պետք է պատրաստեն հետևյալ փաստաթղթերը.

1. Անգլերեն լեզվի իմացությունը հաստատող վկայական հետևյալ տարբերակների միջոցով.
1. TOEFL, iBT կամ TOEFL iBT Home Edition թեստեր (նպատակային միավոր՝ 34*)
2. IELTS ակադեմիական կամ IELTS ցուցանիշի քննություններ (նպատակային միավոր՝ 4,5*)
3. Կամ համալսարանն անձամբ կկազմակերպի լեզվի գնահատումը:
Նշում. Ցածր միավոր ունեցող դիմորդները հրավիրվում են օգտվելու Նախապատրաստական դասընթացի ակադեմիական փաթեթներից:
4. Դիմում ուղղված ՀՀ ԿԳՄՍ նախարարին (ձևը տրամադրում է նախարարությունը)
5. Նախարարության տրամադրած հարցաշարը կարելի է ներբեռնել այս հղումով
6. Բժշկական տեղեկանք ընդհանուր առողջական վիճակի մասին. Այս տեղեկանքը կարող են տրամադրել նաև Հայաստանի Հանրապետության բժշկական մարմինները
7. Անձնագրի կամ ծննդյան վկայականի և (կամ) մկրտության վկայականի բոլոր էջերի պատճենները
8. Ակադեմիական կրթության մակարդակը հավաստող փաստաթղթի պատճենը
9. 6 լուսանկար (3×4 սմ)
10. Ինքնակենսագրական (CV) անգլերեն լեզվով գրված
11. Ընդունման և գրանցման վճարի անդորրագիրը (100 ԱՄՆ դոլարին համարժեք ՀՀ դրամ, որը վերադարձի ենթակա չէ)

ԿԱՐԵՎՈՐ

1. Փաստաթղթերը կքննարկվեն միայն օտարերկրյա պետություններում Հայաստանի Հանրապետության դիվանագիտական ներկայացուցչությունների հյուպատոսական ստորաբաժանումների վավերացման դեպքում, եթե այլ բան նախատեսված չէ Հայաստանի Հանրապետության օրենքներով կամ միջազգային պայմանագրերով.

2. Փաստաթղթերը ԵՄՀ ռեկտորի տեղեկանքի հետ միասին ներկայացվում են անձամբ ԿԳՄՍՆ՝ համալսարանի լիազոր ներկայացուցչի կողմից: Եթե դիմորդը ֆիզիկապես գտնվում է Հայաստանի Հանրապետությունում, ապա նա կարող է անձամբ նախարարություն ներկայացնել վերը նշված փաստաթղթերը։

3. Եթե ցանկանում եք, որ ԵՄՀ ներկայացուցիչը փաստաթղթերը ներկայացնի ՀՀ ԿԳՄՍ նախարարություն, խնդրում ենք փաստաթղթերի ամբողջական փաթեթն ուղարկել հետևյալ հասցեով՝ info@eiu.am: ԱՆՈՒՆ և ԱԶԳԱՆՈՒՆ դաշտերը պետք է լրացվեն դիմողի անուն-ազգանունով:

4. Փաստաթղթերի ընդունման և մշակման վճար – Փաստաթղթերի ընդունման և մշակման վճարը (100 ԱՄՆ դոլար) չի վերադարձվում: Վարձավճարի համար Համալսարանի բանկային տվյալները կարող եք ներբեռնել հետևյալ ՀՂՈՒՄՈՎ: Ձեր դիմումը չի դիտարկվի, եթե չուղեկցվի վճարման անդորրագրով:

Օտարերկրյա քաղաքացիները՝ սփյուռքահայ և օտարազգի դիմորդները, փաստաթղթերը պետք է ներկայացնեն նախարարություն հետևյալ ժամկետներում՝

1. Անվճար առկա ուսուցմամբ բակալավրի կրթական ծրագրով սփյուռքահայ դիմորդների ընդունելության համար — 2024 թ. հունիսի 15-ից մինչև օգոստոսի 25-ը ներառյալ
2. Վճարովի առկա ուսուցմամբ բակալավրի ու անընդհատ և ինտեգրացված կրթական ծրագրերով ընդունելության համար — 2024 թ. հունիսի 15-ից մինչև սեպտեմբերի 22-ը ներառյալ
3. Վճարովի առկա ուսուցմամբ մագիստրոսի կրթական ծրագրով ընդունելության համար -2024 թ. հունիսի 15-ից մինչև հոկտեմբերի 6-ը ներառյալ
4. Վճարովի հեռակա ուսուցմամբ բակալավրի և մագիստրոսի կրթական ծրագրերով ընդունելության համար — 2024 թ. հունիսի 15-ից մինչև հոկտեմբերի 13-ը ներառյալ
5. Վճարովի հետբուհական՝ ասպիրանտի կրթական ծրագրով ընդունելության համար — 2024 թ. hունիսի 15-ից մինչև դեկտեմբերի 1-ը ներառյալ
6. Վճարովի առկա ուսուցմամբ նախնական մասնագիտական (արհեստագործական) և միջին մասնագիտական ուսումնական հաստատություններում ընդունելության համար — 2024 թ. հունիսի 15-ից մինչև օգոստոսի 18-ը ներառյալ
7. Վճարովի հեռակա ուսուցմամբ միջին մասնագիտական ուսումնական հաստատություններում ընդունելության համար — 2024 թ. հունիսի 15-ից մինչև հոկտեմբերի 13-ը ներառյալ
8. Վճարովի առկա ուսուցմամբ նախապատրաստական բաժանմունքում ընդունելության համար — 2024 թ. հունիսի 15-ից մինչև նոյեմբերի 10-ը ներառյալ