Եվրասիա միջազգային համալսարանի ուսանողները օգտվում են ՀՀ կառավարության կողմից սահմանված բոլոր արտոնություններից ու զեղչերից՝ կախված սոցիալական վիճակից, կարգավիճակից և այլ չափանիշներից:

Բացի այդ, համալսարանը սահմանել է նաև լրացուցիչ կրթաթոշակներ և այլ արտոնություններ՝ գերազանց և լավ առաջադիմություն ցուցաբերած (բարձր ՄՈԳ ունեցող), պատշաճ վարքագիծ դրսևորած ուսանողներին: 

Ուսման վարձավճարի ամբողջական փոխհատուցում տրվում է բակալավրիատի ուսանողների 5%-ին, ովքեր ունեն ամենաբարձր ՄՈԳ-ը և մագիստրատուրայի բարձր առաջադիմությամբ ուսանողների 3%-ին: Երկու դեպքում էլ նվազագույն ՄՈԳ-ը սահմանվում է 3.5 միավոր: Ամբողջական փոխհատուցում ստանալու դեպքում ուսանողի ուսման վարձավճարն ամբողջությամբ փոխհատուցվում է համալսարանի կողմից: Տվյալ հնարավորությունից ուսանողները կարող են օգտվել ուսումնառության 2-րդ կիսամյակից (առաջին կիսամյակի արդյունքների հիման վրա) մինչև ուսումնառության յոթերորդ կիսամյակ (բակալավրիատի դեպքում): Բակալավրիատի ավարտական կուրսում /յոթերորդ և ութերորդ կիսամյակներում/ ուսանողներին կրթաթոշակ չի տրամադրվում:

Կրթաթոշակի մասին որոշումները հայտարարվում են յուրաքանչյուր կիսամյակի սկզբում և ուժի մեջ են մինչև այդ կիսամյակի ավարտը: