Ընդհանրական վերջնարդյունքներ

• Դրսևորում է վերացական մտածողություն, վերլուծելու, սինթեզելու և խնդիրների լուծման (քննադատական մտածողություն) կարողունակություն
• Դրսևորում է ինքնուրույն աշխատանքի, նախաձեռնողականության և ժամանակի կառավարման հմտություններ (կարողություն)
• Դրսևորում է տեղեկատվության կառավարման (տարբեր աղբյուրներից տեղեկատվություն արդյունավետ փնտրելու, գտնելու, մեկնաբանելու, մշակելու, վերլուծելու և պահպանելու) կարողունակություն
• Դրսևորում է առաջնորդության, թիմային աշխատանքի և պատասխանատվության կարողունակություն
• Դրսևորում է մասնագիտական թեմաներով ոչ մասնագետների հետ շփման կարողունակություն
• Դրսևորում է բազմաձևության և բազմամշակութայնության ընդունման կարողունակություն և հարգանք
• Դրսևորում է գիտական հետազոտություններ կատարելու կարողականություն
• Դրսևորում է նորարարական մտածողություն և նորարարական գործունեություն ծավալելու կարողունակություն

Մասնագիտական վերջնարդյունքներ

•  Ունի սահմանադրաիրավական, վարչաիրավական, ընտրական և հարկային ոլորտների կարգավորմանը վերաբերող  արդիական, տեսական խորացված գիտելիքներ, ոլորտում առկա նորագույն տեսությունների, հայեցակարգերի խոր իմացություն
• Քննարկում է սահմանադրական, վարչական, ընտրական, սոցիալական ապահովագրության և հարկային օրենսդրության և ինստիտուցիոնալ համակարգի գործողության ու զարգացման միտումները, դրանց կատարելագործման հիմնական ուղիները
• Կիրառում է մասնագիտական գործունեության ընթացքում ժամանակակից գիտահետազոտական մեթոդները
• Գործնականում կիրառում է սահմանադրական, վարչական և ընտրական իրավունքի ոլորտներում նոր և անծանոթ իրավիճակներում կոնկրետ գործնական իրավական բարդ խնդիրների լուծման կառուցակարգերը, առաջադրում նորարարական գաղափարներ
• Ընդունում է մասնագիտական (սահմանադրական, վարչական, հարկային և այլն) ոլորտում հիմնավորված իրավաբանական որոշումներ և փաստաթղթային ձևակերպում տալիս իրավաբանական գործով ընդունված որոշմանը
• Մեկնաբանում է սահմանադրաիրավական նորմերը, դատական և վարչական նախադեպերը, ինչպես նաև վերլուծում դրանց հետ կապված իրավական բարդ վեճերը
• Կազմում է իրավաբանական եզրակացություններ և տրամադրում որակյալ խորհրդատվություն սահմանադրաիրավական, վարչաիրավական, ընտրական և հարկային ոլորտներում, իրականացնում դատական ներկայացուցչություն
• Վերլուծում և մեկնաբանում է ազգային օրենսդրությանը, ինչպես նաև վերազգային և միջազգային իրավական սկզբունքներն ու նորմերը, այդ թվում՝ սահմանադրաիրավական համակարգերն ու օրենսդրությունները
• Կիրառում է սահմանադրաիրավական բնագավառին վերաբերող նորմատիվ իրավական ակտեր, իրացնում նյութական և ընթացակարգային իրավունքի նորմեր, ինքնուրույն մշակում իրավական փաստաթղթեր
• Վերլուծում է գործող օրենսդրությունը այն կատարելագործելու անհրաժեշտության տեսանկյունից, նոր նորմատիվ-իրավական ակտ ընդունելու կապակցությամբ՝ որոշում նորմատիվ իրավական բազայի հետագա փոփոխությունները
• Կատարում է նորմատիվ և այլ իրավական ակտերի նախագծերի մշակում և իրավական փորձաքննություն
• Իրավաբանորեն ճիշտ է որակում սահմանադրաիրավական ոլորտին վերաբերող փաստերը։ Իրավական որակավորում տալիս նոր կամ անծանոթ (ոչ ստանդարտ) իրավիճակներում
• Իր վարքագծում ղեկավարվում է բարոյական նորմերով՝ ուղղված հանդուրժողականությանը, համագործակցությանը, տարբեր խմբերի ներկայացուցիչների միջև փոխըմբռնման ամրապնդմանը, հետևում իրավաբանի էթիկայի սկզբունքներին, բարեխղճորեն կատարում իր մասնագիտական պարտականությունները։ Հակազդում է կոռուպցիոն երևույթների դրսևորմանը