Ընդհանրական վերջնարդյուքներ

• Դրսևորում է վերացական մտածողություն, վերլուծելու, սինթեզելու և խնդիրների լուծման (քննադատական մտածողություն) կարողունակություն
• Դրսևորում է ինքնուրույն աշխատանքի, նախաձեռնողականության և ժամանակի կառավարման հմտություններ (կարողություն)
• Դրսևորում է տեղեկատվության կառավարման (տարբեր աղբյուրներից տեղեկատվություն արդյունավետ փնտրելու, գտնելու, մեկնաբանելու, մշակելու, վերլուծելու և պահպանելու) կարողունակություն
• Դրսևորում է առաջնորդության, թիմային աշխատանքի և պատասխանատվության կարողունակություն
• Դրսևորում է մասնագիտական թեմաներով ոչ մասնագետների հետ շփման կարողունակություն
• Դրսևորում է բազմաձևության և բազմամշակութայնության ընդունման կարողունակություն և հարգանք
• Դրսևորում է գիտական հետազոտություններ կատարելու կարողականություն
• Դրսևորում է նորարարական մտածողություն և նորարարական գործունեություն ծավալելու կարողունակություն

Մասնագիտական վերջնարդյունքներ 

• Ունի միջազգային և եվրոպական իրավունքի ոլորտների կարգավորմանը վերաբերող արդիական, տեսական խորացված գիտելիքներ, ոլորտում առկա նորագույն տեսությունների, հայեցակարգերի խոր իմացություն
• Ներկայացնում է մարդու իրավունքների միջազգային իրավական պաշտպանության հիմնախնդիրները, այդ թվում՝ մարդու իրավունքների եվրոպական կառուցակարգերը (մեխանիզմները)
• Կիրառում է մասնագիտական գործունեության ընթացքում ժամանակակից գիտահետազոտական մեթոդները
• Գործնականում կիրառում է միջազգային և եվրոպական իրավունքի ոլորտներում նոր և անծանոթ իրավիճակներում կոնկրետ գործնական իրավական բարդ խնդիրների լուծման կառուցակարգերը և առաջադրում նորարարական գաղափարներ
• Ներկայացնում է միջազգային և ներպետական իրավունքի փոխկապվածության և փոխազդեցության հիմնախնդիրները
• Մշակում է միջազգային կառույցների հետ Հայաստանի Հանրապետության համագործակցության արդյունավետության բարձրացման հետ կապված մոտեցումներ
• Մեկնաբանում է միջազգային և եվրոպական իրավունքի ոլորտների իրավական նորմերը, նախադեպերն ու սկզբունքները, ինչպես նաև վերլուծում դրանց հետ կապված իրավական բարդ վեճերը
• Տրամադրում է միջազգային-իրավական և եվրոպական-իրավական հիմնախնդիրների վերաբերյալ որակյալ խորհրդատվություն
• Վերլուծում, մեկնաբանում և համեմատում է ազգային օրենսդրությունը, վերազգային և միջազգային իրավական սկզբունքներն ու նորմերը, ինչպես նաև գնահատում տարբեր ոլորտների միջազգային փաստաթղթերի իմպլեմենտացիայի վիճակը Հայաստանի Հանրապետությունում
• Կիրառում է միջազգային և եվրոպական իրավունքի ոլորտներին վերաբերող նորմատիվ իրավական ակտեր, իրացնում նյութական և ընթացակարգային իրավունքի նորմեր, ինքնուրույն մշակում իրավական փաստաթղթեր
• Կիրառում է մարդու և քաղաքացու իրավունքների պաշտպանության միջազգային և տարածաշրջանային  կառուցակարգերը (մեխանիզմները) 
• Վերլուծում է գործող օրենսդրությունը այն կատարելագործելու անհրաժեշտության, միջազգային չափանիշներին համապատասխանացնելու և Եվրոպական միության իրավական ակտերին ՀՀ օրենքները մոտարկելու տեսանկյունից
• Գնահատում է տարբեր ոլորտների միջազգային փաստաթղթերի իմպլեմենտացիայի վիճակը Հայաստանի Հանրապետությունում` համեմատելով այլ երկրների պրակտիկայի հետ
• Մշակում է առաջարկություններ ԵՄ-ի կառույցների և միջազգային կազմակերպությունների հետ ՀՀ համագործակցությունը առավել արդյունավետ դարձնելու ուղղությամբ
• Իր վարքագծում ղեկավարվում է բարոյական նորմերով` ուղղված հանդուրժողականությանը, համագործակցությանը, տարբեր խմբերի ներկայացուցիչների միջև փոխըմբռնման ամրապնդմանը, հետևում իրավաբանի էթիկայի սկզբունքներին, բարեխղճորեն կատարում իր մասնագիտական պարտականությունները