Միջազգայնացման և կայունության խթանումը դարձել է բարձրագույն կրթության հաստատությունների (ԲԿՀ) առաջնահերթ առաքելություններից մեկն ամբողջ աշխարհում՝ նպատակ ունենալով ստեղծել որակյալ և փոխկապակցված ակադեմիական համակարգ, որը կարձագանքի գլոբալ նոր մարտահրավերներին և կբավարարի նոր սերնդի ուսանողների ուսումնական պահանջները:

«Կայունության և միջազգային կարողությունների զարգացում՝ նորեկ բարձրագույն կրթական հաստատությունների մոդեռնացման նպատակով Արևելյան Հարևանության երկրներում» (SIN-NEC) ծրագիրը նպատակ ունի բարելավել կայունության և միջազգային կարողությունները Հայաստանի (AM) և Ուկրաինայի (UA) բարձրագույն կրթական հաստատություններում, որոնք ունեն ավելի քիչ փորձառություն:

Ծրագրի աջակիցներն են 3 ԵՄ գործընկեր (2 ԲԿՀ և 1 մասնավոր ընկերություն) և 1 փորձառու հայկական ԲԿՀ: Այս նպատակի իրականացման համար, ծրագիրը, համապարփակ ինքնագնահատումից հետո, կզարգացնի ակադեմիական, ղեկավար և վարչական անձնակազմի կարողությունները՝ միջազգայինացման և կայունության ուղղությամբ ռազմավարությունների և գործողությունների ծրագրերի պլանավորման և մշակման համար։

Ծրագիրը կբարձրացնի դասախոսների հմտությունները նորարարական մանկավարժության և թվային գործիքների դասավանդման և ուսուցման ոլորտում՝ վիրտուալ միջավայրերում, ինչը կօգնի նրանց միջազգայինացման ներուժի բարելավմանը։ Ուսուցումը ներառելու է կայունության և կայուն ձեռնարկատիրության թեմաներ, որոնք կօգտագործվեն նոր մոդուլներ մշակելու և փորձարկելու նպատակով։