Այսօր՝ ս.թ. հունվարի 27-ին, Եվրասիա միջազգային համալսարանը և ՀՀ ՊՆ Վ.Սարգսյանի անվան ռազմական համալսարանը վերաստորագրեցին համագործակցության պայմանագիրը: Սույն պայմանագիրը հնարավորություն է ընձեռում համագործակից բուհերին իրականացնելու երկկողմ կրթական ծրագրեր. մասնավորապես, համատեղ կիրականացվի պրոֆեսորադասախոսական կազմի փորձի փոխանակում, բուհերի ուսանողները ներգրավված կլինեն գիտահետազոտական աշխատանքներում՝ ավարտական հետազոտական աշխատանքների, հետազոտական նախագծերի, ընթացիկ թեմատիկ աշխատանքների և այլն կատարմանը, համատեղ կկազմակերպեն գործնական հմտությունների զարգացման արտալսարանային դասընթացներ, կիրականացնեն հետազոտություններ, քննարկումներ, գիտաժողովներ և այլն, կմասնակցեն գրական-գեղարվեստական միջոցառումներին, շրջայցերին:
Բուհերի միջև երկարատև կայուն համագործակցությունն ամրապնդեց ևս մեկ համագործակցությամբ: Այսուհետ համատեղ ծրագրերին կմիանա նաև Եվրասիա վարժարանը: Ավագ դպրոցի ուսումնառության մակարդակում համագործակցությունը միտված կլինի նոր ծրագրեր ներդնելուն և զարգացնելուն, հայրենասիրության, զինպատրաստվածության մակարդակի բարձրացմանը:
