Դոցենտ Իրինա Մխիթարյանը Էրազմուս+ շարժունակության ծրագրով դասախոսություններ է կարդացել Հունաստանի Արիստոտելի անվան համալսարանում
Այս օրերին Եվրասիա միջազգային համալսարանի Լեզուների, հաղորդակցության և մանկավարժության ամբիոնի դասախոս, բ.գ.թ., դոցենտ Իրինա Մխիթարյանը Էրազմուս+ շարժունակության ծրագրի շրջանակներում դասախոսություններ է կարդում Հունաստանի Սալոնիկ քաղաքի Արիստոտելի անվան համալսարանի Կրթության և փիլիսոփայության ամբիոնի բակալավրիատի, մագիստրատուրայի և ասպիրանտուրայի ուսանողների համար:
Փորձառու դասախոսի հանդիպումներն անցել են փոխներգործուն (ինտերակտիվ) մեթոդով՝ տարատեսակ վարժությունների իրականացմամբ հույն ուսանողները զարգացրել են անգլերենի իմացության իրենց հմտությունները, ուսումնասիրել հետազոտական աշխատանքներ իրականացնելու գործիքակազմը:
Դոցենտ Իրինա Մխիթարյանը հանդիպումներ է ունեցել նաև հետազոտող դասախոսական կազմի հետ, քննարկել համատեղ գիտական հոդվածների տպագրական ու հետազոտական աշխատանքներ իրականացնելու ընթացիկ աշխատանքները:
