Tag: ապագա իրավաբաններ

Բովանդակայնորեն փոխվել են մասնագիտական կրթական ծրագրերին ներկայացվող պահանջները: Գործատուն իր հաստատության աշխատանքային պահանջներն այսուհետ բավարարում է մրցութային հիմունքներով աշխատանքի ընդունման այնպիսի պայմաններով, որոնց մեջ առաջնային է համարվում առանց լրացուցիչ վերապատրաստումների նախաձեռնել աշխատանքային գործունեություն: Սակայն, գործատուն նույնպես պետք է անմասն չմնա մասնագետի պատրաստման գործընթացից՝ առաջարկելով ավարտական աշխատանքի զանազան հետազոտական թեմաներ, իրականացնելով վարպետության և թեմատիկ դասեր, ղեկավարելով ավարտական և ասպիրանտական թեզերը և այլն: Այդպիսի երկկողմանի հետաքրքրություն ներկայացնող համագործակցության ձևը կարող է ընթանալ գիտակրթական կլաստերի կազմավորման միջոցով:

2021թ․ ապրիլի 22-ին Եվրասիա միջազգային համալսարանի իրավագիտության ամբիոնը հյուրընկալել էր ՀՀ Արդարադատության նախարարության Պրոբացիայի ծառայությանը: Հանդիպման ընթացքում ապագա իրավաբանները հնարավորություն ունեցան իրենց հարցերն ուղղելու պրոբացիայի ծառայության կենտրոնական մարմնի կազմակերպամեթոդական բաժնի պետ Անուշ Ղազարյանին, ինչպես նաև պրոբացիայի ծառայության խորհրդական Էմիլ Ղազարյանին։

Այսօր՝ ս․թ․նոյեմբերի 5-ին, Եվրասիա միջազգային համալսարանի իրավագիտության ամբիոնին կից գործող իրավաբանական կլինիկայի նախաձեռնությամբ կազմակերպվեց վարպետության դաս՝ «Դատախազի լիազորությունները մինչդատական վարույթի ընթացքում, ինչպես նաև դատաքննության ժամանակ» թեմայով, որը վարեց Կոտայքի մարզի դատախազության Հրազդան քաղաքի ավագ դատախազ Սմբատ Մինասյանը։